ايذاء الاحتياجات الخاصة

صباح علال زاير

اليوم شفت شي جديد من أشياء الروتين وفن من فنون ايذاء ذوي الاحتياجات الخاصة وبهذلتهم... كرموهم الله يچرّم بانه من حقهم يستوردون سيارة معفيه من الرسوم الكمركية، طبعا بعد ان يراجع الواحد ويفحص وينحال لجان طبية ويسووله تحاليل واشعات وتخطيط عصب وفد كم شهر تحديد جلسة اللجنة وكم شهر يله يطلع التقرير وكم شهر يله يوصل قرص الكمرك والمرور وكم شهر يله توصل السيارة، ووراها تبدي مراجعة تسجيلها بالمرور.. لحد هنانه ممتاز وماعدنه اعتراض رغم انه حطو فقرة ممنوع استيراد سيارة عالية او سيارة اكثر من ٤ سلندر، لان بنظرهم شنو قيمة ذوي الاحتياجات الخاصة حتى يصعد سيارة مال اوادم!! .. المشكلة من تنتهي الخمس سنوات وتتحول السيارة حرة، هنانه له الحق ان يستورد سيارة اخرى بس شنو لازم يرجع من جديد يفحص اشعات ولجان طبية وتخطيط عصب وقرص جديد لازم يوصل للكمرك والمرور.. يعني الحصبة والجدري وراك وراك... السؤال: المعوق مو صار عنده ملف او سجل بالصحة وبالكمرك والمرور فليش هاي الدوامة والبهذلة،، ليش المجرم يبقى ملفه بالادلة الجنائية والمحكوم يحتفظون بسجلاته.. وهكذا.. شنو مثلاً اللي انبترت رجلة خضرتله رجل جديدة لو اللي انقلعت عينه طلعت وحده بمكانها؟؟!!! لو المختل عقلياً الله صحاه لو المگطومة ايده زرعوله ايد وصار ما بيه شي؟؟؟!! ما اعرف هاي الأذية يا فهيم يبتكرها.

  عن مجموعة الواتساب