حچاية التنگال

سعد العبيدي

تره صدگ الامارات بطرانه، تطالب العراق أن يوقف الهجمات الي تنطلق من أراضيه على أراضيها، والكويت هم مثلها بطرانه الي طالبت مثل الامارات، وكل دول الخليج بطرانين لأنهم يطالبون، وعبالك ما يعرفون البير منو إحفرّهَ والنغل منو إبزرّه، ولا يدرون السلاح منو الي يملكه ومنو الي جابه وثبته، والمن يستخدم، واشوكت يستخدم، وبيا اتجاه يتم التصويب، ومنو الأبي الي ينطي الأوامر ويكرص بعد كل انطلاق. ثم معقوله ما تدرون أهل السلاح بكل العراق صاروا طرف رئيسي بالحرب الأمريكية الإسرائيلية الإيرانية، وكل جهودهم مستنفره حتى يْدَخلون العراق بجلالة قدره طرف بيها، دا يفتحون جبهة جديدة يخففون بيها على إيران بباقي الجبهات، وبالمره يحررون القدس، ويسوون فضل على الفلسطينيين ولو همه من غير ملّه... وأخيرا كل الي نگدر نگوله لولد عمنه: الي يعرف الضيّم لا يتبطر.