العراقيات

احلام الحميري

 

ردا على الاساءه للمراة العراقيه

 

العراقيات..شالن راسهن ليفوگ….

لن دم العراقي يفور من جذره

العراقيات…..معروفات من غصن العروبه ولبة الشجره

العراقيات…نشميات عدهن بالوغى خبره

العراقيات…متحضرات حفرن للعدو گبره

العراقيات…..لبسن للشهاده اثياب بيض وعرفن العبره

يل تنشد عليهن سيف مامثلوم…

واحچاية مضيف ومرجله وفكره

عزيزات النفس بالنخوه مهيوبات

ولا تدنه نفسهن نارهن حمره

صبورات بعزمهن شادات الحيل

ماذلن بيوم ودنگن شعره

العراقيات ….جابن حيد يردس ردسة المهره

العراقيات..خيمة عز.  …وباون من ذهب ..لا ما نزل سعره

العراقيات…هيبه ومستحه وعزه وشهامه وزود

بساحات الكرامه چانن البذره

العراقيات،،،صگر لو طار …يصعد للسمه ويتفاخر بنصره

العراقيات… شجرة ادم وتاريخ…سفينة نوح..مسلة حمورابي وحكمته وقدره

العراقيات ميزان العدل واحزام للشدات

بيرغ للعروبه وسور للفقره

العراقيات……معدنهن اصيل وصوتهن مسموع

واعكال النشامى ولفة الغتره

هنه الهوّسن في ثورة العشرين

 {رد فالتنه اعتازيناها}

[ربيت ولوليت لهذا][

[آنه امك گالتلي الگاع وانت اوليدي]

العراقيات…بحر الجود… والمحار والدره

العراقيات….

مضيف ايعزّب الخطار من ادهوك للبصره

العراقيات مضيف ايعزّب الخطار ….من دهوك للبصره