تأهّل يا عراق

همام طه

 

تأهّل يا عراق تأهّل

إنت أهلها ومؤهل

بإذن ربك تتسهّل

نجمك ترة هذاك الهَلّ

إنت العشيرة والأهل 

 

ركّز زين وتمهّل

علّم العالم ما يجهل

شعبك لعيونك هلهل

ربّك يعينك ما يهمل

 

لعبك رائع وما ينملّ

لاعبك يسمّونه البطل

فريقك صابر يتحمّل

الوطن يؤمر يتدلّل

 

نبقى ندعمك ما نبطّل

ويبقى الگلب متفائل

سدّد يا عراق وگوّل

شعبك عليك يعوّل 

 

العب يا عراق وسجّل

اسمك بالنور مجلّل

عَلَمك بالغار مكلّل

حلمك لا لا، لا تأجّل

 

واصل يا عراق وكمّل

كلمن يكمّل راح يوصل

حلّق بالسما وتخيّل

شعبك ماليه الأمل

 

تدرّب يا عراق واعمل

القادم هو الأجمل

والمايل راح يتعدّل

المستقبل عنك يسأل