عناوين أغاني الساهر في قصيدة لشاعر مغترب 

 

أربيل – أمجاد ناصر

من خلال الحفل الذي احياه القيصر كاظم الساهر في القاهرة عام 2022 بعد 13 سنة من اخر حفل له , قمت بتجميع ما نشر من فديوهات لمعجبيه  الذين حضروا الحفل ثم قمت بعملية المونتاج  , حتى وصلت مدة الفديو الى ساعتين تقريبا , و نشرته في صفحات التواصل الاجتماعي ونال اعجاب اكثر من 100 الف والالاف من التعليقات تشيد بهذا الحفل والروعة الذي قدمه القيصر وبحضور اكبر نجوم الفن و الاعلام المصري مع الجمهور الكبير , كما نوهت عن كواليس استضافة الساهر في اشهر البرامج المصرية للاعلامية منى الشاذلي , ومن هذه التعليقات كتب احدهم بانه مجنون بالقيصر و يحفظ جميع اغانيه منذ اول ظهوره باغنية شجرة الزيتون منتصف الثمانينات وانه كاتب قصيدة تجمع ابيات و عنوانين اغلب اغانيه , ثم قام بأرسالها لي , وتبين انه الشاعر العراقي المعترب في العاصمة الاسترالية سيدني , سرمد اسحق اسطيفانا , من مواليد 1974 بغداد خريج معهد التكنولوجيا و جذوره من ناحية القوش في محافظة نينوى و تعلق اكثر باغاني الساهر , سنة 1987 - 1988 حيث كانت اغاني (لدغة الحية و عبرت الشط وغزال) مكتسحة الساحة الفنية , وفي عام 2021  بدأ بكتابه قصيدته (قيصر علينا و ملك و نحبك ابلا عقد) وانتهى منها بنهاية عام 2022 .   

وتقول ابيات القصيدة :

(يا صايغين الذهب)

جيبوله تاج و عقد

(600 بوسة الك) 

وياها باقة ورد

(مدرسة حبك) نهج

من عنده حب نستمد

(علمني حبك) شعر

من عقلي ضاع الرشد

(عابر سبيل اصبحت)

يل دربك انته المجد

(أدري بطريقك صعب)

بس انته له مستعد 

(درب الألم) ما خلص

اشطوله صار شبعد

(الحية) من لدغتك

ظليت صامد صلد

(الشط عبرته) بثقة

من جد فعلا وجد

صدت (الغزال) الهرب

طبعا لأنك أسد

 (السور) عالي ارتفع

تجتازه منهو اليصد

(يا سيدي المحترم)

حبك ابكلبي وتد

(تطفه و ترد تشتعل)

يا وهجك المتقد

(نصك ثلج نص جمر)

بقية القصيدة على الموقع الالكتروني

 

نيت حر و برد

( من المستبدة ) اتعبت

بس ما صرت مستبد

( للحلوة) ( نمت احلمت )

            

 

و ( الغسلت بالبرد)

( البنية ) صوتك شده

رغم انته عندك ولد

)من ايدك المي ورد (

ما يوم ميك ركد

)  كلك ابعضك حلو(

يل دمك انته الشهد 

) بعدك بأحلى العمر(

 ماشالله ابلا حسد

 ) اللي يريد الحلو(

من يمه لا يبتعد

) الساعة متأخرة( 

جفنك ابد ما رقد

( افرح تألق ) بعد

و امنحنا شوك و وجد

قرطاج - بابل - جرش

يتجمع اكبر حشد

فرحان ساهر بقه

إينام ما اعتقد

)يا ليل لا تنتهي(

اطربنا اكثر بعد

(ليلة فرح ) ساحرة

قدمت اكبر جهد

( يسعد صباحك ) معي

يل وجهك انته السعد

تسأل ( ألو من معي )

وياك كل البلد

يهواك كل الشعب

عرب و مسيح و كرد

جمهورك العائلة

موجود باكبر عدد

طير الغسق كنيتك

للقمة عله و صعد

( غالي ) و ( عزيز) النفس

نجم ابسمانه اتقد

و حبال صوتك سحر

بيها الكلب ينعكد

يل بغنياتك قصص

تحتاج شرح و سرد

آهات من حنجرة

لو هذا صوت الرعد

كم جائزة حصلت

يا ربي بارك و زد

و ثقنا كلشي نلت

سوينا حسبة و جرد

حطمته رقم الصعب

اشنحسب احنا اشنعد

عرش الطرب موقعك

محد وصله و كعد

موقعك الأول يظل

مينافسك بي أحد

و ( بكل سهولة) فزت

ما هي شمرة نرد

مفتاح سدني معك

بيديك تفتح تسد

و بفاس جابو قفل

و انت التحل و التشد

كرموك بالجامعة

و لاقاك ارفع وفد

( يا زين ) ( ماذا بعد)

مثلك ابد ما نجد

( لا يا صديقي ) كلت

للي يخون العهد

( صحي الضميره ) غفه

و اللي بكلبه حقد

( اسكت ) كلت للردي

و لكل اناني و وغد

( آ يا عرب ) من صحت

اهتز الحجاز و نجد

( لم يحدث ) اللي ردت

( ليلى ) و نامت رغد

( سيدة عمرك ) مشت

خلتك ( عظم و جلد )

( بغداد و تألمت ) من ( سندبادك ) شرد

( كلكامش ) اتنطرك

اشور سومر أكد

( بيت الحبايب) فتح

بابه و يريدك ترد

(ارجع حبيبي ) لنا

منطينا انته وعد

( رحال ) كاضي العمر

و لشوفتك نفتقد

(الغربة ) تفرض حكم

 )ما عندك انته قصد(

)  تيزاب لا مو دمع  )

صدكني دمع البعد

 )يا عود وين الصدك (

رد ابعزف منفرد

 )لتزيد في لوعتي  (

هديت حيل الجسد

( للحب مدينة) صرت

 )بالذات بيها الجلد  (

 )مشوار لا منتهى(

عايش يظل للأبد

( ماشي بشارع ) فخر

تاريخ سجل شهد

( كل عام ) يصدر عمل

مسموع من كل فرد

اربع عقود اسمعك

و انطر اغاني جدد

اهواي اعشكك انا

و ما عبر الينتقد

لاهديك روحي ابظرف

و القلب احطه ابطرد