حچاية التنگال

سعد العبيدي

محافظ المثني استقال قبل جلسة الاستجواب، تُنشر الاستقالة، يطلع على أمة محمد يگول چذب آني ما استقاليت، والاستقالة مزورة، يجتمع مجلس المحافظة تصير عركة وضرب بوكسات بين أعضاء على أساس يمثلون أهل المثنى، وهمه بالأصل وكلاء أحزاب وحركات ما الها أي تمثيل بگلوب الناس. الشقاوات من صفوف المتعاركين يسدون الباب بقوة العضلات، وينتخبون محافظ جديد حسب التوجيهات، وبنفس الطريقة الي تنسلگ بيها بعض القوانين الخلافية بچاكوچ رئيس مجلس النواب.

وقبل ما يطلعون من مجلسهم حتى يروحون يفطرون يصرحون تمت عملية انتخاب المحافظ الجديد بمنتهى الديمقراطية... كل هاي الديمقراطية والأمريكان العميان يعترضون على ترشيح رئيس وزرائنا ديمقراطيا!!