سارح بأحلامة

علي الصاحب 

جلس صگبان القرفصاء وسط الدار وبيده الچكاره التي لاتغادر فمه …مما أثار حفيظة زوجته التي تراقبه عن كثب  خايب أستر علينا يصگبان وانت صدرك خرخاشة لاتطلقلك صاروخ فرط صوت من جوووه وتشهرنا لعنه على والديج ،، لابو ساعة السوده الخذتج بيها .. ولج اليوم تعداد سكاني وانا بهاي گعدتي جاي اتذكر تعداد ١٩٨٧ من چنت بيها فرار من الجيش واجوا الرفاق الحزبين وي مختار المحله وابوي الله يرحمه برحمته دخلهم للحوش وحلف الا يسويلهم چاي وكعك وانه بوقتها جنت بالمرافق وهمه كاعدين گبالي شلون ورطه .. وظليت بي ساعه مگابل (البريچ) اليشبه وجهج  أجابته وبحرقه .. خرب حظي الماساوه النسوان چاهلبت واحد من الحزبين محصور وداش عليك للخلاء وساحلك بلباسك گدام خلگ الله وصاير فرجه لمة محمد وماخذيك وعادمينك وخلصانه منك ..ويلي يربي شصبرك على هالگرگمه  چان هسه احنه مربعين بالفلوس والفروخ متعينين ومعتبرينا من ذوي الشهداء العادمهم النظام السابق ،،،أشتعلوا أهلج فردا فردا بيش طالبتني وانا كنت بعز شبابي وبنات المحله يتغزلن بيه ولچ خليني سارح باحلامي انه چنت اتنصت عليهم من يسألون ابوي المرحوم.. وطلبو الجناسي بس لاسئلو على ثلاجه ولاعلى طباخ ولا غساله ولامبرده بس گلوله عمت عيني ابيتك هذا بأسمك يو لا …

چاشماله تعدادنا هالمرة بيه ٧٠ سعوال شنهي ذوله عدادين يو منكر ونكير !!!!

صدگ لو گالوا (ضرط وزانها وتاه الحساب)

خايب بسك يمگير يصگبان وگوم لاتضرط وتصير السالفه ضراط بضراط ،،،

يقول فكتور هيجو/ سر العبقرية هو أن تحمل روح الطفولة إلى الشيخوخة….

 عن مجموعة الواتساب