عاجل الان
محمد ال طي
العمال ينتشرون بالشوارع يأكلون لفات الفلافل يبحثون عن الماء البارد ويجلسون تحت النارنجة احدهم يدخن والاخر يحرك الثلج في بطل الببسي» القديم» كي يذوب الثلج ويشرب المي واخر يلف الشماغ على وجهه علمود لاتصير بي ضربة شمس واخر يقلب بتلفونه يرى المنجمون يقول لبقية اكلكم يكولون الوضع القادم موزين وذولة يضحكون الى وياه جماعته !
احدهم اتصلت به زوجته تبحث عن الحليب لابنها وظل في حيرة من امره كيف ستذهب يوميتي الى الحليب والحفظات لازم اخلي شي من الخمسة وعشرين طوارئ كلشي يصير ،
الاخر تشاجر مع صاحب الدار قال لهُ» فلش الصبة مو كتلك اريدها سلوب ليش عدلة مسويها» ، عمي والله ماكتلي هيج هو مگلة بس المرة الخاتون كلتله محلوة ! الاخر اتصل به اخوه يريد مصرف جيب عنده سفرة وية اصدقائه بالجامعة وميريد يخجل كبالهم ،والاخر يرى الجي كلاس تمشي بصفه وهو يكنس الشارع ربما هو بدور ابنه ، ! احدهم خرب العجينة خلالها ملح زايد وطرده صاحب الفرن استاذي والله اختي بيها «خبيث « وين اروح .... يطبك مرض يكلة انته واختك ربما صاحب الفرن عنده عقدة من النساء !، واحد صافن مالة واهس يسوي البنجر يگول هسا اني لو موظف مو جان هسا كاعد بالبيت والله تعبت ، احدهم صاح به اللحيمجي يمعوووود جيب المكينة يكله استاذي والله ثكيلة يكلة جيبها « ابن الكلب « احدهم يصيح هذا المي هذا المي على البارد هذا المي ويسمع وحدة تكول لزوجها بالتقاطع اكلك خطية اشتري منه مبين فقير ! ،احدهم جلس يبيع اغراض قديمة يگول بلكي والله وتطلع العلاكة اليوم الله لايعوزنا على احد حتى لو 5الالف ، ابو شعر البنات عطلت المولدة ووطني كطعوها لان بيته تجاوز هسا شلون اسوي الزقنبوت هذا احرك المكينة بيدي !، لحكة بالف الحكة بالف احمر وحلو على السجين البقال جنبه في المحل المكيف اخي روح بيع بعيد منا ....شنو جاي تكطع رزقي ، عالموطة برد برد عالموطة برد برد خرج له صاحب الدار واطفاله عمي انريد ثنين انطاه 25 الف عمي ماعندي خردة والله...... هااا لعد رجعولة الموطة وتعالو ! جيب اسبانة 12 يمعود ادري انته غبي البارحة علمتك عليها يضحك من الخجل وقُتل في نفس الوقت شيسوي ماعنده شغل احدهم فعلاً ليس لديه ما يئكله اتصل بصديقه رفع الهاتف والله اني خارج بغداد اخوية احتمال اتأخر يومين ،
أكلج خلي نبيع البراد والله اجيبلج احسن منه ....تگلة مو اجه الصيف شلون نشرب مي بارد سكت ميعرف شنو يجاوب ،وأحدهم بدأ يفكر بالانتحار وأحدهم بدأ يفكر أن يعمل في تجارة الممنوع واحدهم كره المجتمع عندما يقول لهُ هذا عيدكم وأحدهم بدأ يفكر ببيع ذهب زوجته ليهاجر بعيد وأحدهم بدأ يفكر بأن يطلق زوجته ويفظ المشكلة هو هذا الحل يگول بنفسه أحدهم يفكر ببيع احد اولاده لعائلة ميسورة الحال هما يربوه وراح يحبوه لان ميصير عدهم ذرية..... وأحدهم يقول خلي اكعد گبال الشط وادخنلي جكارة اشرفلي وأخرين كثير وكثير يقولون ما لانعلم !.