00964 790 110 7676     azzaman_iraq@yahoo.com
  شحلاتك چنت بالأول

أغلبية صامتة
أضيف بواسـطة admin
النـص :

شحلاتك چنت بالأول

لؤي الشقاقي - اسطنبول

من موروثنا الشعبي ان بنت غابت عن حبيبها بدون انذار ، وتغيرت معه ونفرته وتهربت منه ، ولم يعرف أسباب للخصام وللفراق .

الشاب تعجب من فعلها وذهب اليها ووقف تحت شباك غرفتها وانشد زجلاً باللهجة الدارجة .. يعاتبها فيها ويسأل عن سبب الجفوة مذكراً لها بما كان وماجرى بينهم في سالف الايام

شجاك وطبعك تبدل ؟

كلي ..

سمعت شي عني ؟

وصلولك خبر غثك

شلون عرفت تتبدل

حسافه المحب يتحول

وهيچ بلا ذنب يرحل

شجاك ؟؟

شبرّد أنفاسك ؟؟

لا لهفه

ولا چلمة عشگـ ترفه

لا بوسه ولا لمسه

ولا بالچذب تتغزل

ولا چن بالغلط تسأل

ما غصيت مرة ؟

ماغصيت مثلي من يمر طاريك ؟؟

ولا دمعه شوگ من عينك غصب تنزل

تالي صرت

انه الچنت بالأول ..

چنت تصحى وتنام على العشك

وعليه هواي تدلل

جنت تزعل

تتحجج عليه تريد اتوسل

هيج بلا سبب تزعل

يعجبك نبقى نتصالح

وابوسك بوسة معاتب

واحضنك حيل واتوسل

وبچلمة احبك كل زعل يرحل

هسه بلا سبب تزعل

وترفض كل صلح

وتكطع يالچنت توصل

عليه شبدلك كلي

چنت من چلمة غزل تنحل

وبنظرة عشك تتسودن

وتسهرني واغنيلك واناغيلك و لوليلك

وعلى چلمة احبك حيل

تتعلل

ورد حبي على حبك تفتح

منو يصدك

كل هذا العشك يذبل

وتالي عليك اتحسر

وعلى چلمة احبك منك اتوسل

يتالي المو على بالي

شحلاتك چنت بالأول

حسافه الي يحب ينذل

وكل هذا العشك يرحل

 

عدد المشـاهدات 143   تاريخ الإضافـة 14/01/2022   رقم المحتوى 58941
تواصل معنا
 009647901107676
 azzaman_iraq@yahoo.com
الجمعة 2022/1/28   توقيـت بغداد
تابعنا على