00964 790 110 7676     azzaman_iraq@yahoo.com
  الثورة فكرة لا‮ ‬يمكن قتلها

أغلبية صامتة
أضيف بواسـطة admin
النـص :

الثورة فكرة لا‮ ‬يمكن قتلها
الثورة فكرة ان ولدت لايمكن قتلها الا بعد تغير الجيل الذي‮ ‬احياها وهذا هي‮ ‬الحقيقة التي‮ ‬عرفتها الاحزاب وتسعى لتستمر وتتغذى على مأساة شعب لتعتاش دول اخرى‮ .. ‬داركه الاحزاب انه لاخلاص من هذا الجيل عنيد الا بقتله‮...‬وغسلت الشوارع من دماء الشباب التي‮ ‬وهبت ارواحها لوطن‮ ‬يعيشون به بسلام ونعيم‮ ..‬فكان هناك كلمات وردت على المواقع الاجتماعية لاضمير للحكومة حتى تستوعبها‮ ..‬
‮- ‬في‮ ‬كل ركن من أركان الشارع ذكرى وصيحه الم ودمعة حزن ودم شهيد سقط في‮ ‬سبيل احياء الانسان العراقي‮ ‬بعد نوم طويل من الذل والقهر والاستبداد في‮ ‬ظل سلطة الاحزاب اللهم ارحم شهدائنا الأبرار وادخلهم الجنان لانهم ظلموا وان لله وان اليه راجعون والبقاء للعراق مهما طال الزمن‮..‬الله‮ ‬يرحمهم‮..‬
‮- ‬والله مستحين منهم،‮ ‬شباب بعمر الورد راحت بعنجهية واستهتار السلطة واحزابها،‮ ‬واستخفاف للأسف من المحسوبين ظلماً‮ ‬عراقيين بل ليسوا بشراً‮ ‬من الأساس‮..‬
‮- ‬الله‮ ‬يرحمهم ويصبر أمهاتهم،،‮ ‬اختاروا العز فوهبهم الله الجنة،‮ ‬ونحن فضلنا عيشة الذل والمهانة فزادنا الله منها،،‮ ‬حقيقة نحن من نحتاج الرحمة حقاً،‮ ‬فيارب اغفر لنا وارحمنا‮..‬
‮- ‬الرحمة والمغفرة ل ناس لي‮ ‬راحت بلا ذنب بس إذ على هيج ف ارض العراق لا تمشون عليها لان سالت بيها هواي‮ ‬دماء هذا شيء وشيء لاخ حتى من دجلة لا تشربون لان هم جثث ابناءنا صار أكثر من سمك‮..‬
‮- ‬دم العراقيين سال في‮ ‬كل بقعة من أرض العراق هل نسيتم الاربعاء الدامي‮ ‬والاثنين والجمعة انفجارات صدى صوتها لم‮ ‬يغيب عن أذهان الناس أسواق شعبية ومولات ودوائر حكومية دماء وشهداء ناهيكم عن سواتر المعارك كل أراضينا التي‮ ‬نمشي‮ ‬عليها‮ ‬غطت بالدماء‮ ..‬الرحمه لشهداء العراق
‮- ‬وين اكو‮ ‬غضب شعبي‮ ‬لانو فتحوا ساحة التحرير؟؟ اصلا راضين بالذل والحياة الصعبة والاحزاب فرحانيين وديحضرون نفسهم للانتخابات الجاية‮... ‬الله‮ ‬يرحم الشهداء‮..‬
‮- ‬كلش‮ ‬يقهر من‮ ‬ينتهي‮ ‬كل شي‮ ‬مثل حرب ايران وحرب‮ ‬91‮ ‬وكل الحروب الي‮ ‬مرت على العراق واحنه ما حصلنا شي‮ ‬غير خسارة ارواح الشباب وضياع مستقبل الكثير من العوائل والشعب بقى مثل ماهو ما تعلـــم درس بل في‮ ‬كل مرة‮ ‬يزداد الســـــراق قصر صدام من ماضربنا كيمياوي‮ ‬وخلصنا‮..‬
‮- ‬سيكتب التاريخ ان شعبا خذل من ارادوا له العزة والعيش الكريم‮ ‬،‮ ‬خذلوا احرارهم وشجعانهم ورضوا بعيشة الهوان وان‮ ‬يكونوا عبيدا‮ ‬يقادوا من اناس لا فهم لهم ولا علم‮ ‬،‮ ‬رضوا بأن‮ ‬يقادوا من اناس‮ ‬يسرقونهم ويمتهنون كرامتهم‮ .‬?في‮ ‬مقلب القمامة‮ ‬،
رأيت جثة لها ملامح الأعراب‮ ‬،
تجمعت من حولها النسور والذباب‮ ‬،
وفوقها علامة‮ ..‬تقول هذه جثة كانت تسمى كرامة‮ !‬
‮- ‬والله العظيم ماتصور بيوم اكدر افوت مناك نفسيا ارتبط هذا المكان بالتضحيه وشون تضحيه تضحيه عمر شباب وشابات بعمر الورد الله‮ ‬يصير اهلهم والله‮ ‬ياخذ بحقهم وحقنا‮..‬كل ساقي‮ ‬سيسقي‮ ‬بما سقي
‮- ‬فوالله الذي‮ ‬لا تغفل عينه ولا تنام إن الله‮ ‬يسمع دبيب النملة السمراء في‮ ‬الليلة الظلماء في‮ ‬شقوق الجبال
أن الحياة قصيرة والدائرة تدور
ثم‮ ‬يُصاب كل ظالم بما ظلم
‮- ‬وكل شامت بما شمت وكل مسيء بما أساء به
‮( ‬ليرفعن الله دعوة المظلوم فوق الغمام ويقول لها
وعزتي‮ ‬وجلالي‮ ‬لأنصرنك ولو بعد حين‮ )‬
‮- ‬لا تحزن إن ربك أعدل العادلين‮..‬سيقولون عادت الحياة الى طبيعتها وانتهت المسرحية‮ ..‬
اذا كانت حقاً‮ ‬مسرحية فاعيدوا الشهداء لامهاتهم‮ ..‬دماء الشهداء لا تضيع لانها حق والله هو الحق
‮- ‬وسوف‮ ‬ينتصر الله لكل قطرة دم سقطت ولكل شاب معاق بسبب المليشيات المسلحة‮....‬انتظروا‮ ‬غضب السماء‮....‬فعند الله لا تضيع الحقوق‮..‬
‮- ‬يعني‮ ‬مادري‮ ‬شلون دتمشي‮ ‬السيارة،‮ ‬مادري‮ ‬شلون نسوا الدم ولا كانوا بهذا المكان نقتلوا بي‮ ‬مئات،‮ ‬لا جديات شلون گلبهم انطوهم‮ ‬يمشون ؟ ولا كانوا اكو شيئ ولا كانوا اهنا طالب الشعب بحقه ولان طالب بحقه استشهد وترك اهله وعائلته‮.‬
‮- ‬اني‮ ‬گلبي‮ ‬معصور على كل شهيد راح‮ ‬،‮ ‬دتخيل اهل الشهداء من ديشوفون دم ابنائهم راحت وما اخذو بحقهم ولا كدروا‮ ‬يكملون مسيرة الحق‮!!‬
‮- ‬مع الاسف على كل عراقي‮ ‬باع القضيه وديمشي‮ ‬يومه ولا صاير شيئ‮..‬
‮- ‬وراها المفخخات والعبوات وراها داعش ورها رجعنه للمفخخات لحد ماوصلنا لثورة اكتوبر
‮- ‬الظاهر نسيتو الجثث الي‮ ‬جانت تفترش الارصفة سنة‮ ‬2006‮ ‬لو شهيد عن شهيد‮ ‬يفرق‮!!‬
‮- ‬الله‮ ‬يرحم الجميع‮..‬ماكو شبر بارض العراق مابيها دم شهيد جبناها من حرب لحرب ع مدى التاريخ
‮- ‬الله‮ ‬يرحم الجميع‮..‬اخ لو مصايره مظاهرات اهوايه احسن ع الاقل الام مفكدت ابنها هو طلع‮ ‬يريد وطن والوطن دفنه جوه الأرض والأم هي‮ ‬الي‮ ‬خسرت الوطن والابن‮ ..‬
‮- ‬اي‮ ‬والله هاي‮ ‬العباره لازم تخلوها فوك كل زاويه بلمكان بلكت الناس‮ ‬يصير عدها ضمير‮....‬اوف والله لو اموت طول حياتي‮ ‬مراح اعبر ع هل جسر‮ .. ‬الك الله‮ ‬يل فقير عراق متصيرله جاره بعد ابد‮ ..‬
??للأسف الشهداء لم‮ ‬يحققو مطاليبهم‮ ...‬ضاعت دمائهم ولم تسقط الاحزاب‮...‬
ونحن العراقيون
سريعو الأشتعال
قلوبنا تحترق بسرعة‮ ...‬
تحترق من الحب من الغيرة على الوطن
لذا‮ ‬يسرعون بوضعنا في‮ ‬ثلاجة الموتى ؛
فهي‮ ‬المكان الوحيد الذي‮ ‬ستبرد فيه نيران قلوبنا‮ !!‬
سنكتب بالدم أحلامنا
فوق حيطانكِ‮ ‬الغافية
ونموت قليلاً
لنصحو مع الفجر ثانية
نشرب شاي‮ ‬الصباح
ونقضم‮( ‬صمونة‮ ) ‬دافئة
وعلى مهلنا‮ ...‬
لنقرأ اسماءنا واحداً‮ ‬واحداً‮ ‬في‮ ‬عيون العراق
نغسل بالدمع جبهته الناصعة‮ ‬،
وفي‮ ‬اخر الليل
دون ان نخبر الأمهات
نمر على الراية الباسلة
نلثم اطرافها
ثم نفتح قمصاننا بأنتظار الرصاصة ثانية
لنعود الى المقبرة مبتسمين
وعلى مهلنا نغفوا قليلا ليحيا بسلام وطني‮ ..‬
اليوم الذكرى الاولى للشهيد علي‮ ‬طالب
تولد بغداد سنة‮ ‬2000
أستشهد بتاريخ‮ ‬16‮/‬12‮/‬2019
ساعة اربعة الفجر وهو راجع من التحرير لحكته سيارة على الجسر ودعموا،‮ ‬علاوي‮ ‬جان راجع للبيت لأن أبنه مريض ودياخذه للمستشفى
أبنه عمره شهر بس وخسر أبو الرحمة والخلود لروحك
والعار لقاتليه‮...‬الفاتحة على ارواح شهدائنا الابرار
عبير حامد صليبي‮- ‬بابل

 

عدد المشـاهدات 2660   تاريخ الإضافـة 06/01/2021   رقم المحتوى 46066
تواصل معنا
 009647901107676
 azzaman_iraq@yahoo.com
الأربعاء 2021/1/20   توقيـت بغداد
تابعنا على