00964 790 110 7676     azzaman_iraq@yahoo.com
  زمن الفساد والكورونا 

مقالات
أضيف بواسـطة admin
النـص :

زمن الفساد والكورونا 

نجاح سميسم

راح أكتب بلهجتنه الدارجة عن الحال اللي وصلنه إله بالعراق من التردي والإنحطاط وعلى مختلف المستويات لأن قلمي ميطاوعني كلما أردت الكتابة بالفصحى من حيث كلشي بالعراق صار أعوج ،حتى الكورونا العراقي يختلف عن كل دول العالم ،لأن نسبة المتوفين جراء الوباء هي أعلى نسبة بالعالم قياساً لعدد الأصابات، الموضوع اللي راح اكتب عنه موضوع فساد إله علاقة بكورونا 000 اليوم شفت خبر على الفيس يكول أكتشفوا حالة فساد كبرى في وزارة التجارة بقضية الخزين الإستراتيجي تحسباً للكورونا أبطالها وزير التجارة ورئيس البرلمان الحلبوسي مع الكربولي وهم شله وحده ومن كتله وحده، قيمة السرقة 300 مليون دولار، طبعاً هذا الخبر يهم كل عراقي ولو موضوع السرقات والفساد صار كلشي طبيعي بالعراق لكن الموطبيعي هو إنه بهذا الظرف والموت محدق بينه من كل حدب وصوب والكورونا قد يجتاح العراق طول وعرض ، واسعار النفط تدنت إلى مستويات غير مسبوقة يعني مقبلين على كارثة إقتصادية خطيرة ، كل هذا ورئيس مجلس النواب مع حاشيته يسرقون هذا المبلغ اللي من الأولى أن يذهب إلى خلية الأزمة لمجابهة الوباء، هسه من حق أي واحد يرد( من يكول الخبر صحيح )طيب،خلي ناخذ إحتمال مو صحيح أليس من الواجب على رئيس البرلمان أن يظهر كي يُكَذّب الخبر ، ولكنه لا يفعل لأن مثل هيجي أخبار صارت عدهم زلاطة ميهتمون إلها من حيث لاخجل ولامستحه،وإذا كان الخبر صحيح فما هو موقف رئيس الوزراء المستقيل عادل عبد المهدي والذي ترك الوزارة ترك إضطراري ولكنه يدير جلسات مجلس الوزراء وأيضا بشكل إضطراري وهو لابس الكمامة بشكل مضحك مع جوقة الوزراء، واليوم شفته مجتمع وهو لابس الكمامة مع الحلبوسي اللي مالبس الكمامة حتى يكافئه على هاي السرقة اللي طش خبرها، لحد إهنا الخبر إنتهى، وآني أسأل اكول هذوله شنو دواهم لاكرونه يخافون من عنده ولاشعب هم يخافون من عنده لأن الأنتفاضة طالت مدتها وهسه كورونا قللت من زخمها وأجلتها إلى حين ، وحتى من الله ميخافون وماعدهم ضمير اللي يحاسبهم ،كسر بجمع لاخوف ولامستحه، شلون تخلص وشلون نخلص من عدهم ماأدري وأعتقد كلنه ميدري 0000 عله ذكر المستحة، أتذكر بالسبعينيات موظف بالنجف شريف نصبوله كمين واتهموه برشوة مقدارها دينارين طلعوه بالتلفزيون حليق الشعر وصوروه من اربع جهات وحكموه 6أشهر مع طرد من الوظيفة ، بعد خروجه من السجن بقه في بيته 5 سنوات ميطلع يعني بقه جليس الدار يخجل أن يطلع  وهو شريف ماماخذ رشوة ابداً، أكول هذوله السياسيين الحكام اللي ميخجلون ولايستحون متصيرلهم اي جاره إله كنسهم بثورة عارمة

 

 

 

عدد المشـاهدات 47   تاريخ الإضافـة 07/04/2020   رقم المحتوى 38250
تواصل معنا
 009647901107676
 azzaman_iraq@yahoo.com
الأربعاء 2020/5/27   توقيـت بغداد
تابعنا على